«Կեղծավոր ու փողի համար ամեն ինչի պատրաստ մարդ»․ Ալեն Սիմոնյանի կոշտ արձագանքը Հայկ Մարությանին

Ալեն Սիմոնյանը կոշտ գրառում է կատարել՝ արձագանքելով Հայկ Մարությանի վերջին հարցազրույցին։

Սիմոնյանը նշել է, որ տեսել է հարցազրույցի անոնսը, որտեղ, իր խոսքով, շեշտը դրված է իր անձի և allegedly 200․000 դոլար արժողությամբ ծառայողական մեքենայի թեմայի վրա։

«Ապրես, արդեն 5 տարի է՝ նույն բանն եք ասում՝ թե՛ դու, թե՛ մյուս քո նման լուսանցքում մնացածները»,– գրել է նա՝ սուր տոնով անդրադառնալով Մարությանին։

Քաղաքական գործիչը նաև հակադարձել է՝ առաջարկելով Մարությանին իր հարցազրույցներում անդրադառնալ սեփական անցյալին․ «Արի հաջորդ անգամ պատմի, օրինակ, թե ինչպես ես 10-15 հազար դոլարի պատճառով սրտի խնդիր ունեցող և նորածին երեխա ունեցող կնոջից տունը խլել։ Կամ հերթով պատմի՝ որտեղ և ինչու ես կորցրել ընկերներիդ։ Դու պատմի քո տարբերակը, ես՝ իմ»։
Սիմոնյանն ընդգծել է, որ խնդիր չի տեսնում, երբ դերասանը զբաղվում է քաղաքականությամբ, սակայն հավելել է․ «Վատ է, երբ կեղծավոր ու փողի համար ամեն ինչի պատրաստ մարդն է զբաղվում քաղաքականությամբ»։

Գրառման վերջում նա հավելել է, որ «ամեն ինչի մասին իր ժամանակը կա»՝ ակնարկելով, որ դեռ կանդրադառնա թեմային։

Կիսվել