Պրոդյուսեր Դիանա Գրիգորյանը այս օրերին իր հանգիստն է անցկացնում Մոնակոյում։ Երեկ Դիանան հայտնել է, որ դստեր՝ Ալլայի, ծննդյան տարեդարձն է։

Դիանա Գրիգորյանը հրապարակել է դստեր հետ լուսանկար և գրել.
«Արևը սկսեց մի ուրիշ տեսակ ջերմացնել, երկինքն ավելի լազուր թվալ, իսկ բնությունը՝ անխնա թթվածին արտադրել, երբ ուղիղ քսան տարի առաջ քո ծնունդով Բարձրյալն ինձ համբույր տվեց։ Այո, դու իմ առաջին համբույրն ես, իմ մեծ սերը, իմ պահապան հրեշտակը , իմ հոգու ընկերն ու իմ ստվերը………
Ամեն օր, ամեն ժամ ավելի սթափ, ավելի շոշափելի եմ գիտակցում քո մայրը լինելու երջանկությունը…. ուզում եմ անհագուրդ ձևով ապրել ու վայելել մայրության զգացումը՝ լրացնելով երիտասարդ տարիների «անփորձ մամայի» բացթողումները։ Դու մեծացար, քեզ հետ նաև ես մեծացա, իմ իրական երջանկություն։
Աստված թող օրհնի քեզ, որ ես տեսնեմ քեզ խաղաղ ու առողջ, երջանիկ ու կայացած , լիարժեք ու ինքդ քո ուղին հարթած, ինքդ քեզ գտած։ Շնորհակալ եմ, Տեր, շնորհակալ եմ ամեն ժամ, ԴՈւ ես իմ երջանկության պահապանը, ՏԵՐ»։