ՌԴ-ում եղել եմ երկու օրով՝ անձնական հարցերով. Քոչարյանը՝ Կիրիենկոյի հետ հանդիպման լուրերի մասին
Մոտ մեկ ամիս առաջ երկու օրով եղել եմ Ռուսաստանում՝ մասնավոր, անձնական հարցերով․ ասուլիսի ժամանակ հայտարարեց Երկրորդ նախագահ Ռոբերտ Քոչարյանը։
«ՌԴ-ում եմ եղել շաբաթ-կիրակի օրերին, երկուշաբթի վերադարձել եմ ՀՀ։ Եթե պաշտոնական հանդիպումներ լինեին, երևի այլ օրերի կլինեի այնտեղ։ Ես հասկանում եմ, որ երբ ես հայտնվեմ Մոսկվայում, նման կարգի լուրեր են տարածվելու»,-հավելեց նա։
Հիշեցնենք՝ օրերս լուրեր էին տարածվել, որ Քոչարյանը ՌԴ-ում հանդիպել է հայաստանյան հարցերով կրեմլյան կուրատոր Սերգեյ Կիրիենկոյի հետ։
