Այս տարվա փետրվարի 5-ին Մերձավանում կրակոցներ էին հնչել ու սպանվել էր Գրիգոր Օհանյանը։ Մերձավան բնակավայրի ՔՊ-ական վարչական ղեկավար Մհեր Ախտոյանը միջադեպի հիմնական դերակատարներից մեկն էր, որը տանը նստած հետևում էր, թե ինչպես էին մի խումբ տղաներ ծեծում միմյանց, որից հետո հնչեց կրակոց ու սպանվեց Գրիգոր Օհանյանը։

Այս դեպքից հետո մեղադրյալի աթոռին հայտնվեցին շուրջ 15 անձ։ Այժմ դատարանում 7 ամիս առաջ տեղի ունեցած սպանության գործով դատական նիստն է։ Դատարան են բերել Նարեկ Օհանյանին, որն ամիսներ առաջ սպանված Գրիգոր Օհանյանի եղբայրն է։ Նարեկ Օհանյանը այս պահին անցնում է Փարաքարի սպանված համայնքապետ Վալոդյա Գրիգորյանի գործով։