Ապատեղեկատվության զոհ դարձած տիկտոկեր Մալենան ողջ է. նա հրապարակում է արել
Օրերս համացանցում տարածվել էր կեղծ տեղեկատվություն, թե TikTok-ից հայտնի Մալենան ավտովթարի հետևանքով մահացել է։ Տեղեկությունը արագ տարածում էր գտել՝ առաջացնելով անհանգստություն նրա հետևորդների շրջանում։
Այսօր Մալենան անձամբ արձագանքել է՝ հերքելով լուրը և վստահեցնելով, որ ինքը ողջ և առողջ է։
«Բարև բոլորին…
Հազիվ եմ ուշքի գալիս անդադար զանգերից: Ուզում եմ տեղեկացնել, որ ողջ եմ, առողջ եմ ու տանն եմ: Չեմ հասցնում պատասխանել բոլորիդ, Direct-ս ուղղակի պայթում է: Ես ուղղակի ապշած եմ, թե ոնց կարելի է մարդու կյանքը դարձնել դիտումների թեմա: Քիչ անց տեսանյութ կհրապարակեմ այս ամենի վերաբերյալ: Այդ «լրատվականը» և տեսանյութի հեղինակը անպայման պատասխանատվություն են տալու այս ստի համար»։
Տիկտոկերը նաև նշել է, որ պատրաստվում է իրավական քայլերի դիմել այն կայքի և անձանց դեմ, որոնք տարածել են ապատեղեկատվությունը։
Դեպքը կրկին բարձրացրել է կեղծ լուրերի տարածման խնդիրը՝ ընդգծելով, թե որքան վտանգավոր կարող են լինել չստուգված տեղեկությունները, հատկապես երբ խոսքը մարդու կյանքի մասին է։
- 30-04-2026 21:48
Մայիսի 5-ին է՞լ երեխաները տանը կմնան. ի՞նչ որոշում է կայացվել
- 30-04-2026 13:31
